सोशल मीडिया वर पसरणाऱ्या अफवांवर विश्वास न ठेवण्याचे आवाहन :---जिल्हाअधिकारी डॉ.बिपीन
*जनतेने अफवांवर विश्वास ठेवू नये ;नमूद दुकाने, बाजारपेठा सकाळी 9 ते सायं. 5 पर्यंत सुरु राहणार – जिल्हाधिकारी डॉ. विपीन*
*सोशल मीडिया वर पसरणाऱ्या अफवांवर विश्वास न ठेवण्याचे आवाहन*
*नांदेड नायगाव प्रतिनिधी
कानोले साईनाथ मो,9604500201
दि. 29* :- कोरोना विषाणूंचा प्रादुर्भाव रोखण्यासाठी प्रशासनातर्फे योग्य प्रतिबंधात्मक उपायोजना केल्या असून सामान्य जनजीवन सुरळीत रहावे यादृष्टिने जिल्ह्यातील नमूद दुकाने व बाजारपेठा सकाळी 9 ते सायं 5 यावेळेत सुरु राहणार असल्याचे जिल्हाधिकारी डॉ. विपीन इटनकर यांनी सांगितले आहे. काही सोशल मिडियावर यासंदर्भात येणाऱ्या अफवांवर नागरिकांनी विश्वास न ठेवता योग्य ती सुरक्षीतता घेऊन आरोग्याची काळजी घ्यावी, असे आवाहन त्यांनी केले.
जिल्हा प्रशासनाने नमूद दुकाने, बाजारपेठा सुरु ठेवण्यास मुभा देण्यात आली आहे. परंतु नमूद दुकाने, बाजारपेठच्या ठिकाणी गर्दी वाढल्यास किंवा सामाजिक अंतराचे व वेळोवेळी निर्गमीत आदेशाचे पालन न झाल्यास दंडात्मक व कायदेशीर कार्यवाही करुन दिलेली मुभा रद्द करण्यात येईल. प्रतिबंधीत क्षेत्रात (कंटेनमेंट झोन) मध्ये केवळ जीवनावश्यक वस्तुंचा पुरवठा व अत्यावश्यक वैद्यकीय सेवांना मुभा राहील. तर प्रतिबंधीत क्षेत्र वगळून उर्वरित क्षेत्रातील बाबींना सकाळी 9 ते सायं. 5 पर्यंत नियम व अटीच्या अधीन राहून मुभा यापूर्वीच देण्यात आली असल्याचे जिल्हादंडाधिकारी डॉ. विपीन इटनकर यांनी स्पष्ट केले.
*सुपरफास्ट महाराष्ट्र न्युज नांदेड नायगाव*